如果你申請左個人入息課税，就可以將利得稅，薪俸稅同埋物業稅一起計算，而當中可能有機會可以減低要繳交既稅務架！
首先，為購買物業而借款所須支付既利息平時無論係邊一種稅都係唔可以扣除架，但係係個人入息課稅下，你係年內為購買物業黎賺取租金而支付既利息，可以係計算個人入息課税時扣除，但可扣除既利息款額唔可以超過每一出租物業既應評税淨值。而且係非出租期間（例如空置或供你與家人居住）既利息支出，係不獲得扣除。
其次，係稅率方面，如過扣除免税額後還有餘款的話，就要根據呢個數字計算稅款，但係你個時候會以薪俸税所使用既税率徵税，所以如果物業稅係分開計算既話，物業稅金額就有機會要繳交15%既稅務，而根據薪俸稅既稅率計算可能都省到唔少錢架！在評税內，已就應予評税的入息支付的任何税款將獲抵免。如你所支付既税款超過根據個人入息課税計算既税額，你將會獲退回差額。
最後，個人入息課稅係可以結合三重稅一同計算，而如果個人公司業務有虧算，呢個情況係可以用黎抵消物業稅同埋薪俸稅，但係就唔可以用之前既利得稅纍計既虧算抵消，如果公司虧順既話都可以減唔少稅架！而且如果大家用既係同伴侶一同既入息課稅，對方所扣除所剩下既虧算係可以分享比對方所抵消，咁又可以減低要交稅既金額啦~
所以個人入息課稅既好處都唔少架，尤其對於要繳交物業稅同埋公司有虧損既人，但係相反如果薪俸稅太多或者無需要繳交物業稅既人可能就反而會變得交多左錢架啦。
如果有興趣了解更多資訊，歡迎透過以下方式聯絡 展群CK ®：
※照片源於Unsplash※
即時Whatsapp查詢：api.whatsapp.com/send?phone=85252279242
a. 致電 (852) 3502 7392
b. Whatsapp (852) 5227 9242 或
c. 電郵 info@ck-tax.com
d. 網站 www.ck-tax.com