要員保險都可以扣稅?│ 展群稅務 CK TAX


「要員保險」係法律上未有定義,但一般會有以下特點:由僱主購買一份保單,為該僱員因死亡、疾病或受傷而引致嘅營商利潤損失投保。受益人為該僱主。假設係一份人壽保險單,便屬於定期人壽保險,係保險期內可提供僱員嘅壽險保障,並無其他利益。保險期唔長於該僱員對僱主嘅有用期限。購買依項保險嘅目的,係在要員因死亡、疾病或受傷而不能工作時,對僱主的營業收入可能引致的損失作出補償。


如果僱主購買依份要員保險,由僱主支付嘅保費係可扣除利得稅,但依份保單一定要包括上述所講嘅特點。該份保單嘅有關賠償則視為僱主嘅營業收入,即利潤損失嘅補償,因此都係要課稅嘅。


假如僱主按法例規定須就僱員受傷或死亡等事故向僱員支付補償,而僱主為履行依啲法律責任(如《僱傭條例》規定的員工補償)而購買保險,該份保單嘅保費都係可予扣稅?黎自該份保單的賠償都係要課稅?因為有關保費是正常嘅業務開支,可予扣稅,但依份保單就唔係「要員保險」啦,所以得到嘅賠償無須課稅。


咁要留意啦!以下情況所支付嘅保費冇得扣稅同保單賠償都係唔洗課稅架:

(1)僱主係獨資經營者或合夥業務,而受保人係該獨資經營者或合夥人

(2)僱主屬一家有限公司,而受保人則係擁有該公司大數量股份嘅董事

(3)保單嘅賠償係支付比僱員嘅家屬,或僱主依合約規定要將賠償支付比僱員嘅家屬

(4)有關保單並不屬於定期人壽保險單,但屬於帶有退保金額嘅人壽保險或儲蓄壽險

(5)有關保單可能會有附加成分。例如,僱主會係正常保費之外支付額外保費,如僱員逝世,若干利益(例如:1年薪金)會支付給僱員嘅家屬。

(6)僱主購買一份保險單,其目的係受保人(例如:一位股東)死亡時,提供賠償比任何人仕(例如:另一位股東),用作收購合夥生意權益或公司股權


如果想知自己買個份要員保險符唔符合扣稅嘅要求,主要都要睇返你所買嘅保險係咪同我地一開始講嘅要員保險一樣。如果一樣,咁就可以符合扣稅標準!



如果有興趣了解更多資訊,歡迎透過以下方式聯絡 展群CK ®:

※照片源於Unsplash※

即時Whatsapp查詢:api.whatsapp.com/send?phone=85252279242

a. 致電 (852) 3502 7392

b. Whatsapp (852) 5227 9242 或

c. 電郵 info@ck-tax.com

d. 網站 www.ck-tax.com


0 則留言