top of page

點解稅局要做實地審查?│ 展群稅務 CK TAX

大家知唔知稅局會對有懷疑個案做實地審查呢?其實實地審核係希望可以取得同審核有關既背境資料,例如:納稅人既業務規模同埋性質、業務既運作形式、業務採用既會計同埋簿記程序、納稅人同埋相聯人士既個人財務資料以及納稅人個人同其家庭既生活開支。


咁實地審核個案既首次會晤通常會係稅務局及納稅人既營業地方進行,會有至少2名實地審核人員出席。為左取得及確定業務運作既資料,實地審核人員有時會同負責納稅人日常業務既員工或主要職員見面。佢地會要求納稅人確認以往所提交既報稅表係由佢簽,同埋申明該等報稅表是否正確。審核人員都會同納稅人解釋《稅務條例》中對不遵行稅務義務既人可施加既罰則。


咁初次實地查訪既其中一項目的,就係想了解納稅人用既會計系統,再評核系統係咪足夠為擬備財務報表既基礎。為左減少對納稅人業務既影響,實地審核人員會盡快完成係營業地方既工作。深入既工作通常會係稅務局內,咁做對各方都較為方便。


實地審核人員力求係首次會晤後既14個工作天內完成簡單既審核個案,但一般而言,普通複雜程度既個案需要3至6個月先完成審核。納稅人業務既複雜程度同埋佢地既支持和合作都決定個案可唔可以盡速完成。如納稅人可以盡快準備妥當所需資料同紀錄,就會對審核工作有好大既幫助。


如果納稅人發覺所提交報稅表有不完善既地方,應盡早完全剖白有關既錯漏。但係,若納稅人或其代表提交不盡不實既解決方案,以爲可以過關,咁稅務局肯定係唔會接納的。審核結果既差異程度都會係釐訂罰則加以考慮架。


所以大家記住要誠實報稅,保管好相關資料,咁即使有實地查核都唔洗擔心啦!


如果有興趣了解更多資訊,歡迎透過以下方式聯絡 展群CK ®:


※照片源於Unsplash※


即時Whatsapp查詢:api.whatsapp.com/send?phone=85252279242


a. 致電 (852) 3502 7392

b. Whatsapp (852) 5227 9242 或

c. 電郵 info@ck-tax.com

d. 網站 www.ck-tax.com


0 則留言

Comments


bottom of page