top of page

香港稅務知識簡易分享│ 展群稅務 CK TAX

計劃稅制同埋總收入制

稅制有分計劃稅制同埋總收入制,咁如果係實行計劃稅制,咁就會對各種唔同既類型既收入進行徵稅,而相應既可扣除既費用同埋付款日期就會列係各種附表入面,比個例子大家啦,咁係英國,有關收入既稅係會根據以下唔同既時間表黎進行評估:Schedule A就係黎自土地同埋建築物既收入。Schedule D就黎自營職業收入、其他業務同埋財產收入。而Schedule E就係就業所得既收入,而呢三項收入就會分開計算。

但係係總收入制之下,一個納稅人既所有收入將會被匯總一齊並受制於所得稅,就唔會將唔同既收入分開計算。


地域概念與屬人徵稅體系

地域概念涉及一個司法管轄區,而呢個司法管轄區會放棄與其管轄範圍以外產生既收入,而唔會對去有任何相關既徵稅權,香港就實行地域概念既~

而大多數國家或者地區對管轄區內納稅人既全球利潤都會徵稅,而可能會有雙重課稅寬免既政策黎改善呢個問題。


固定利率與累進利率

固定利率的稅收體系,係同一性質稅基(包括收入、財產或者其他課稅客體),無論金額多寡,都會以一樣同固定既税率進行徵稅既一種稅賦制度。例如新加坡企業所得稅稅率為17%。

而累進利率係指會隨著應課稅既金額增加而逐級提高之稅率既稅。呢種制度通常係為左解決貧富不均既社會問題,即係所得越高既話,邊際稅率就會越高;相反,所得越低既話,際稅率會越低,但過高既邊際稅率都會帶黎強烈既避稅誘因。例如中國個人所得稅稅率。


隨賺隨付 (PAYE) 與暫繳稅

係PAYE系統下,稅款係按月或按季繳納,然後根據全年實際收支,按年會同納稅人年末最終納稅義務進行核對。而係年終會酌情繳納額外稅款或給予退稅。

係暫徵稅制度下,最終需要繳交既稅係根據最終收入同埋支出計算,並係年末繳納,而且係繳納上一年既稅。並會對來年既估計收入徵收暫繳稅,而呢個估計係根據上一年度既最終收入同支出進行。


如果有興趣了解更多資訊,歡迎透過以下方式聯絡 展群CK ®:

※照片源於Unsplash※

即時Whatsapp查詢:api.whatsapp.com/send?phone=85252279242


a. 致電 (852) 3502 7392

b. Whatsapp (852) 5227 9242 或

c. 電郵 info@ck-tax.com

d. 網站 www.ck-tax.com

0 則留言

Comments


bottom of page