稅務局接唔接受電子版紀錄?│ 展群稅務 CK TAX

有好多人都有疑問,如果我嘅正本單據太多唔見左,稅務局究竟接唔接受電子格式保存嘅業務紀錄作為稅務紀錄呢?咁就等展群CK同大家講解多啲啦!


首先,電腦保存的業務紀錄係可以接受嘅,但仍須保存原本文件如支票存根、發票、銀行存款單及銀行月結單等,以證明納稅人嘅收入和支出。


第二,稅務局都可以接受納稅人把原本文件嘅圖像保存係唯讀光碟或唯讀型數碼多功能光碟中,而唔將原本文件本身保存。


第三,稅務局接納以電子格式儲存嘅帳簿及原本文件。


第四,若原本文件係以電子格式產生,本身已經係電子紀錄,則無須轉換成紙張格式,再掃描係唯讀光碟或唯讀型數碼多功能光碟內。依啲紀錄可直接儲存係唯讀光碟或唯讀型數碼多功能光碟內。