用印花退稅吸引人才?│ 展群稅務 CK TAX

係2022年10月19日,行政長官係2022年施政報告中宣布,為左吸納外來人才,政府會向合資格外來人才退還係香港置業已繳付額外既印花税。


合資格外來人才如果係2022年10月19日或以後係香港置業,可於居港七年並成為香港永久性居民之後,就其已購入並仍然持有既首個住宅物業申請退還已繳付既買家印花税(15%)及新住宅從價印花税(15%),但係他們仍然係需繳交按「第二標準税率」計算既從價印花税。呢個既用意係將印花税負擔與首次置業既香港永久性居民看齊。有關安排適用於任何係2022年10月19日或以後簽署既「買賣協議」。


合資格外來人才包括通過指定輸入人才計劃黎香港既人士,相關計劃包括「一般就業政策」、「輸入內地人才計劃」、「優秀人才入境計劃」、「非本地畢業生留港/回港就業安排」、「科技人才入境計劃」、「輸入中國籍香港永久性居民第二代計劃」同埋新推出既「高端人才通行證計劃」。


而要證明自己係香港永久性居民就根據《人事登記條例》(第 177 章)所定義既有效的香港永久性居民身分證。請注意,實施有關措施必須通過修訂《印花税條例》。係立法過程中,修訂既細節可能會有所變動。