環保車 電動的士?│ 展群稅務 CK TAX

為左推動環保,政府積極推動電動商用車嘅發展,甚至希望的士轉為電動車。咁香港政府又會有啲咩措施推動的士界用電動車呢?咁就等展群CK同大家介紹多啲啦!


第一,政府鼓勵更多電動車供應商引入適合係香港使用嘅電動的士型號,而多個車輛供應商已經或準備引入具備長續航力及支援快速充電嘅電動私家車型號,的士業界亦開始籌備將其中合適嘅型號用作的士用途。


第二,政府正計劃今年於大嶼山及西貢區分階段興建不少於10個電動的士專用嘅快速充電樁,並正在全港各區物色合適嘅位置(如的士站)設置的士專用快速充電樁。


第三,政府現時通過提供經濟誘因,推廣使用電動商用車,包括全數豁免首次登記稅。企業購買電動車嘅開支亦可於買車首年係計算利得稅時全數扣減。


最後,政府成立左新能源運輸基金,資助運輸業界(包括的士)試驗同應用綠色創新運輸技術。係基金嘅資助下,合資格嘅運輸業界可獲資助每輛新能源汽車與傳統汽車售價的差價,或新能源汽車售價的一半。此外,基金仲會資助新能源汽車嘅充電裝置售價嘅75%。