會計折舊同稅務折舊係唔一樣?│ 展群稅務 CK TAX

大家可能聽過如果買左啲長期使用既資產係會用某啲percent黎做會計上既折舊!但係原來報稅既時候係唔會跟翻同一個percent架,有啲係個個年度可以扣既稅會多左,但係有啲會少左架!大家要留意下啦~


第一個係工業建築物及構築物的免税額:

如果係第一年建造既話呢,咁個一年就可以有建造成本既20%免稅額,而之後就係每年既免税額,咁就係建造成本的 4%。如果係擁有權終止既時候,就可以獲給予「結餘免税額」或徵收「結餘課税」。

第二個係商業建築物及構築物的免税額:

佢同工業建築物及構築就唔一樣既,即時係第一年建造既話呢,係唔會有第一年比較多既免稅額架,只係會有每年4%建造成本既免税額,而如果係擁有權終止既時候,就可以獲給予「結餘免税額」或徵收「結餘課税」。

第三個係機械及工業裝置:

如果係第一年購買既話呢,咁個一年就可以有資產成本既60%免稅額,而之後每年免稅額係按資產既遞減價值計算。佢既折舊率係由税務委員會規定,分別係10%,20%,同埋30%。每年免税額折舊率相同既資產,會列入同一「聚合組」入面計算。


最後,如果納税人結束業務既話,而個個業務又無人繼承,可以獲給予「結餘免税額」。如果係任何年度,變賣一項或者多項資產既收入,超過左佢地所屬「聚合組」既合計遞減價值,就需要徵收「結餘課税」既。



如果有興趣了解更多資訊,歡迎透過以下方式聯絡 展群CK ®:


※照片源於Unsplash※


即時Whatsapp查詢:api.whatsapp.com/send?phone=85252279242

a. 致電 (852) 3502 7392

b. Whatsapp (852) 5227 9242 或

c. 電郵 info@ck-tax.com

d. 網站 www.ck-tax.com


0 則留言