提前比左營運開支 點計啲稅你要知│ 展群稅務 CK TAX

有時一啲營運開支唔一定係營運期間先比嘅,但都會係相關營運前就比左,咁依啲開支應該點計稅呢?就等展群CK同大家講解下啦!


預先係開支相關期前支付嘅營運性開支,常見例子包括保險費、汽車牌照費、差餉及會費。一般黎講,預付開支涵蓋嘅時期會超越付款嘅財政年度會計基期。因此,開支會根據所涵蓋嘅時期攤分,藉以係每段相關會計年度嘅損益帳內扣消。


咁如果我要扣除依啲預付嘅營運開支,稅務局又有啲咩計算方法呢?根據“舊"方法,即使預付開支關連超過一個會計年度,並且已攤分係相關年度嘅損益帳內扣消,但係納稅人仍然可以係付款年度申索扣除整筆預付款項。


但根據修訂方法,如預付開支嘅任何部分已遞延到隨後嘅會計年度或時期入帳,納稅人就唔准申索係付款年度扣除整筆預付開支。某年度內可以扣除嘅款額,只限於係該年度損益帳內所扣消嘅開支,而有關帳目必須遵照有關嘅財務報告準則擬備。