好人有好報 做善事有著數│ 展群稅務 CK TAX

早前展群CK已經為大家介紹過一啲慈善捐款係有得扣稅嘅,相信大家都對於依樣扣稅項目想有更深入嘅了解,例如點樣嘅捐款先可以扣稅,或者有特別情況係點樣處理?咁展群CK就為大家再深入了解下啦!



首先,點樣嘅捐贈先符合資格申索稅務扣除呢?合資格嘅捐贈一定要係現金形式嘅捐款。但購買獎券、電影或慈善晚會嘅入場券、墓地或係義賣活動中購買貨物嘅款項以及為安排誦經儀式,預訂祭祀場地而繳付嘅款項都係唔符合資格申索稅務扣除架!


有關捐款一定要係捐贈比根據《稅務條例》第 88 條獲豁免繳稅嘅公共慈善機構或慈善信託,或比政府,作慈善用途。你可透過參閱根據《稅務條例》第 88 條獲豁免繳稅的慈善機構及慈善信託嘅名單查看你嘅捐款係咪捐贈給認可慈善團體,就可以知道自己的捐款係咪符合資格啦!


但係...如果我捐款比一個組織,係捐款嘅時候名稱可以係獲豁免繳稅的慈善機構名單度搵到。不過,當我後黎填寫我嘅個別人士報稅表時,就唔可以係名單內找到該組織嘅名稱。咁我可唔可以對依筆捐款申索稅務扣税呢?


因為稅務局會不時覆查慈善機構及慈善信託根據《稅務條例》第 88 條獲確認嘅豁免繳稅地位,並會係有需要嘅情況下撤銷確認,所以就會出現以上嘅情況啦。但一般黎講,如果你向一個組織作出真實嘅捐款時,可以係稅務局網頁發佈嘅名單內搵到該組織嘅名稱,你可於作出捐款嘅課稅年度就該筆捐款申索稅務扣除。


當然,行仁行義不嬲都唔係為左利益,而係為求自己嘅心安理得。但政府鼓勵市民做善事,推出左捐款都可以扣稅嘅政策,大家都可以申請扣稅,用啲錢黎幫助更加多有需要嘅人呀!


如果有興趣了解更多資訊,歡迎透過以下方式聯絡 展群CK ®:

※照片源於Unsplash※

即時Whatsapp查詢:api.whatsapp.com/send?phone=85252279242

a. 致電 (852) 3502 7392

b. Whatsapp (852) 5227 9242 或

c. 電郵 info@ck-tax.com

d. 網站 www.ck-tax.com


0 則留言