報稅表有錯漏,點補救?│ 展群稅務 CK TAX

交左報稅表之後先發現自己填嘅時候犯左無心之失,趁稅局未寄評稅通知書之前,到底點樣補救?


現時交報稅表有兩種方法-文本或經互聯網交稅,而更改錯漏嘅方法應會因應交表方法而唔同。


如果你交紙本嘅報稅表,並且:

(1) 申報過多扣除或者免税額,你需要以書面提交詳情。

(2) 唔記得通知稅務局新嘅通訊地址,你可以下載並填上表格 IR1249。

(3) 冇係報税表上選擇「合併評税」,你唔需要主動提出修訂,稅務局會稍後發出表格邀請你選擇「合併評税」(如適用)。

(4) 漏報或者少報薪俸收入,你需要寫上你嘅職位、受僱期間、僱主名稱同埋相關金額。

(5) 漏報或者少報非薪俸收入,你需要以報税表相關部分嘅格式提交資料。

(6) 唔記得申請扣除「居所貸款利息」或「為獲取物業出租收入而支付的利息」,你可以下載並填上表格 IR6072。

(7) 唔記得申請扣除「根據自願醫保計劃保單繳付的合資格保費」,你可以下載並填上表格 IR6173。

(8) 唔記得申請供養父母/祖父母免税額或長者住宿照顧開支,你可以下載並填上表格 IR6071。

(9) 唔記得申請子女免税額及供養兄弟姊妹免税額,你可以下載並填上表格 IR6044。

(10) 賺取租金收入或經營業務賺取利潤但冇係報税表上選擇「個人入息課税」,你可以下載並填上表格 IR76C。


如果你係用「稅務易」去報稅,咁你只需要係「聯絡我們」,「課稅年度報稅表的補充資料」入面嘅「查詢詳情」清楚註明有關更正事項或者補充資料事項嘅詳情就得架啦!既可以延遲報稅期限,又可以免除繁瑣嘅手續,你仲唔快啲試下用「稅務易」?


如果有興趣了解更多資訊,歡迎透過以下方式聯絡 展群CK ®:


即時Whatsapp查詢:api.whatsapp.com/send?phone=85252279242


a. 致電 (852) 3502 7392

b. Whatsapp (852) 5227 9242 或

c. 電郵 info@ck-tax.com

d. 網站 www.ck-tax.com


0 則留言