早前就介紹過電動車係可以扣稅嘅，咁除左電動車嘅扣稅外，仲有冇其他車輛可以扣稅呢？咁其實，政府為左推動市民使用環保車，只要係環保車輛都可以扣稅嘅，就等展群CK同你了解更多啦！
合資格的車輛類別已經係《稅務條例》附表 17 第 3 部列出，包括以下三類環保車輛：
(a)
由環境保護署（環保署）管理嘅「環保商用車輛稅務寬減計劃」下合資格車；環保署會係網頁公佈合資格獲得稅務優惠嘅「環保商用車輛」嘅車輛型號，並不時作出更新，大家可以係網址睇返邊啲型號符合資格。
(b)
混合動力車；及
(c)
電動車。
如果納稅要申請環保車輛嘅扣稅，又要提交啲咩文件呢？
環保署會為「環保商用車輛稅務寬減計劃」嘅環保車輛簽發環保車輛證書。納稅人係購買「環保商用車輛」時，應向車輛供應商索取環保車輛證書副本，以用作報稅用途；同埋記得係納稅人提出有關申索時，註明該環保車輛所屬嘅類別。
記得！購買「二手」環保車輛係符合稅務扣除嘅！只要有關車輛係購入時係合資格嘅環保車輛，該「二手」車輛嘅買家仍可獲得這項稅務扣除。
不過！環保車輛稅務扣除是唔適用於個啲藉「租購」安排購買嘅合資格環保車輛。藉「租購」安排購買嘅車輛並不符合環保車輛嘅稅務扣除。納稅人藉「租購」安排購買嘅合資格環保車輛仍可享有一般折舊免稅額。
購買環保車，不單止對保護環境出一分力，仲可以扣稅，簡直係一舉兩得！所以，諗緊買車嘅你，不妨都可以考慮下買環保車！
如果有興趣了解更多資訊，歡迎透過以下方式聯絡 展群CK ®：
※照片源於Unsplash※
即時Whatsapp查詢：api.whatsapp.com/send?phone=85252279242
a. 致電 (852) 3502 7392
b. Whatsapp (852) 5227 9242 或
c. 電郵 info@ck-tax.com
d. 網站 www.ck-tax.com
Comentarios