儲稅券利息加左啦!│ 展群稅務 CK TAX

係九月三十日發表既憲報載有一項法律公告,內容係財經事務同埋庫務局局長已經授權將儲稅券所應付利息既利率調整。由二零二二年十月三日開始,新既年率將會由現在既0.1333%提升到0.175%,即根據新既利率,每月每100元可賺得利息0.0146元。


  儲稅券既利息係按照單息計算。利息係由購買當日至使用該券繳稅既日期止,按月計算;唔夠一個月都可以按比例賺取利息。


  儲稅券用作繳付稅項,先可以計算利息。如將儲稅券既本金值歸還番比其持有人,就唔會支付利息。


  儲稅券利率會跟隨市場利率走勢而定時作出調整。現時該利率係參照三間發鈔銀行十萬元至四十九萬九千九百九十九元十二個月定期存款既平均利率,每月作出覆檢。


  新利率將適用係所有係二零二二年十月三日或該日以後購買既儲稅券。二零二二年十月三日之前購買既儲稅券將仍舊按照購券當日既利率計算利息。

  咁大家記住儲稅券超過36個完整月份之後,就會停止生息架啦。